dxCC Unang Radyo, Unang Balita 4-6AM
Balita gikan sa RMN General Santos City— patay ang upat samtang pipila usab ang samaran sa nahitabong engkwentro, tali sa tropa sa gobyerno ug mga teroristang New People’s Army sa Luwayon Detachment, Makilala, North Cotabato.
Matud ni Lt. Lea Canseran, ang spokesperson sa 39th Infantry Battalion nga pasado alas dose sa kadlawan dihang miatake ang dili moubos 20 ka mga armadong lalaki sa maong detachment.
Tungod niini, milungtad sa halos duha ka oras ang engkwentro, apan misibog ang mga rebelde human wala niini makaya ang pwersa sa gobyerno tungod sa iyang mga samarang kauban.
Dugang pa ni Lt. Canseran, nga tulo ang natalang patay sa mga terorista kung asa nagpabiling gikustudiya sa militar ang mga patayng lawas niini, kinsa wala pa maila ning panahona.
Samtang, giila usab ang tropa sa gobyerno nga namatay nga si Julito Apala, usa ka CAFGU kinsa maoy mitabang sa mga samarang tropa sa gobyerno, nga gilangkuban sa unom ka mga CAFGU ug usa ka sundalo.
