Straight to The Point ni Radyoman Jhun Estanio: Kongresista ug LGU nga dili mosuporta sa federalismo walay madawat nga pundo…makatarungan o igo lang?

Nagbahad si House Speaker Pantaleon Bebot Alvarez sa mga kongresista na dili mo suporta sa gidusong Charter Change ChaCha nga Zero Budget walay pundo kong dili maki-isa sa Federalismo sa Administrasyong Duterte. Matud pa ni Alvarez, nga walay luna ang Kongresista nga hatagan ug pundo bisan paman nga wala kini nagpakabana sa kalambu-an alang sa katawhan alang sa hingpit nga kalambuan. Gigarantiya sa House Speaker nga pinaagi sa Fe- deralismo maka-angkon ug asenso ang mga lalawigan tungod kay direktang maka-angkon ug benepisyo sa kita sa ila mismong lugar.

Nagtoo si Alvarez nga anti development ang mga magbabalaud nga dili mo suporta sa Charter Change busa angayan lang nga dili partihan ug pundo isip bugti sa pagka iresponsabli tungod kay dili makisama. Gitataw ni Alvarez nga dili man pugson ang kongresista sa ilang baruganan ug iyang i-respito ang katungod niini, busa kon dili usab hatagan sa Kamara ug budget ang mga kongresista angayan man usab nga respitohon ang iyang desisyon.

Una nang gibaharan ni Speaker Alvarez, ang mga Senador nga No Vote kon dili mo suporta sa Charter Change,lakip ang mga Probensiya,Syudad ug mga Munisipyo nga Zero Budget kon dili usab mo suporta sa Federalismo nga gi paningkamotang mapalabang ubos sa termino ni Presidente Duterte.

Sa batakang balaud 1987 Constitution tataw nga adunay managlahi separate power ang Executive,legislative ug judiciary kini ang 3-branches of govern- ment as far as constitution is concern, ang Executive mao ang tigpatuman sa plano,proyekto ug balaud, ang Legislative mao ang tig-umol tigpanday sa balaud samtang ang Judiciary mao ang tig-interpretar sa balaud sila ang mag dungog ug magpahamtang ug silot. Demodo sa kada branch adunay separate power bisan paman nga ang ehekutibo ang pinaka gamhanan ug mas impluwensiyado sa tanan. Pero pagka pait nalang kay dawsa murag ni sapaw ug naghinubra na ang gahum sa lehislatibo labina sa ubos balay bala- uranan nga bisan ang iyang kaubanan iyang dektahan, ang kamara u gang Senado adunay managlahing gahum gani sa pagpanday sa balaud adunay managlahing version ang House Bill ug Senate Bill, managlahi ang delibe- rasyon o pagdungog diin ang final version mahiusa diha sa kongreso.

Pero murag lagi ang pagpadagan ni Alvarez sa pagkakaron gusto niya nga siya ang masunod, demanding kon sa laktud pa ang batasan sa liderato ni Alvarez sa Kamara baha.Sobra siya ka abusado nga mo-abot na sa punto nga nahimong over acting na si Speaker Alvarez. Sa kasamtangan atong gi obserbar sa Pilipinas ang Demokrasiya ug kay demokrasiya dayag nalang na pwede kitang mamili sa atong gustohon o gituohan nga maayong panglan-taw sa kinabuhi. Bisan kon uyon ako sa Federalismo nga maoy ihulip sa ka- samtangang batakang balaud, pero di ko kumpormi sa estilo ni Alvarez nga manghadlok mangbahad, murag siya nalang ang maayong laki, daw siya na lang gyud ang gamhanan ug nakahibalo sa gusto sa tanan murag man ug nag imagine si House Speaker Alvarez nga siya ang Presidente, nakalimot man seguro siya nga usa lang siya ka kongresista ug kay naka pabor siya nga naka sipsip ug nakatongtong siya sa kabaw apan ni acting siya nga murag kabaw, por diyes porsento kon wala lang ka naka dikit ni Digong asa man ka mahimong House Speaker nga bastos ug immoral man galing dako ni nga kongresman.

Ikampanya taman sa ginhawa ang Charter Change tabangan pa taka nga ma sabtan ug magustohan ang Federalismo, pero ayaw panghadlok mangbahad nga murag ni pareho naman hinoon ka sa style sa Presidente, layo pa kaayo ka sa tinuod kong naghuna-huna kang ikaw ang pinakagamhanan sa nasud tibaghak ning dako,gikan sa Presidente,naa pay Vice President dayon Senate President ayha paka. Kon tinuod man nga gusto na sa katawhan ang kabag- ohan let it be, but sila ang pabut-a dili kay hangyo lubo, kanang panultihon nga walay pugsanay pero walay balibaray. Dayag man sa Constitution The Power of the Government emanates from the people,ang gahum sa Goberno nagagikan sa katawhan unya imong baharan imong hadlokon bisan pa kon ang imong gibaharan mga opisyal usab sa goberno, Senador, Kongresista Gobernador, ug Mayor but remember nga kon dili sila mahatagan ug budget ang constituent o katawhan ang mapihig sa batakang serbisyo nga imong gi planohang wagtangon tolobagbag kang dako.

Maayo man si Alvarez kay nanghinubrang asawa, este naghinubra ang sapi adunahan,gasalig labaw sa tanan kay siya ang gagunit sa budget alang sa sama niyang Kongresista,may tingog usab siya sa national Government nga kayang mo ipit sa mga LGU’s kay sipsip man siya ni Digong, walay problima kaniya ang pundo para sa iyang distrito, pagka opurtonista nga klase kining opisyala abusado nga walay sama. Dapat badlungon sab ni Digong ning iya- hang mga kaalyados nga nanghinubra ang batasan, idol man gud ni Alvarez si Digong, mao nang kon unsay style ni Rudy sundon pod ni Bebot, wala uroy malipong ning tawhana seguro pang lambusan sab na ni Digong pang piktusan niya ning mga opisyal nga over acting na kay makadaut ni niya na angga-an na nga ang Duterte administration murag dektador nga goberno unya dugangan pa aning mga opisyal nga ang batasan nagpaka Presidente usab? Kong ma charter Change, ma Con-ass Ma Con-Con man what so ever ang mag desisyon ang Mayoriyang Katawhan, dili kay ang pipila lang ka mga opisyal, kon suportahan sa tawo mas labing maayo, pero dili i-agi sa bahad- bahad kay murag imo nang gi-rendahan ang katawhan nga mamili kon asa ang mas pabor nila, ang kasamtangang sestima sa goberno o ang gisulong nga kabag-ohan ninyo. Bisan gusto kog Federalismo may pagduha-duha pod ko kay nganong dali-dalion man unya makaduda kay mi-abot pa sa punto na gapanghadlok si Alvarez, basin may hidden agenda ning tawhana dili kaha nga kon magka Charter Chance mahimo nang Federalism may mas dakong posisyon ni siya maong nangugat gyud, bakakon raba ni si Alvarez, immoral kini raba konong bakakon igsoon ra sa kawatan hakog ug tampalasan,hinaut nga kon ma Federalismo molambo na gyud ta, basin dili ang bulsa sa kataw-han ang molambo basin kon ang bulsa ni Alvarez ug uban pang buaya nga mga Politiko but dili ko motoo nga kawatan ug tampalasan si Alvarez pero makaduda ang iyang pagka sipsip ni Digong…God Bless the Philippines!