Davao City – Malampusong gilusad sa DXDC 621 RMN DAVAO ang usa ka students forum gititulohan og ‘Loving Today’s Youth,’ sa University of Mindanao Audio Visual Room 2 gahapong adlawa.
Mokabat sa kapin 200 ka mga estudyante ang mitambong nga naggikan College of Arts and Sciences Education sama sa Mass Communication, Psychology, Social Work Program ug uban pang mga colleges sulod sa maong unibersidad.
Sa maong forum nahisgotan ang mga isyu nga giatubang karon sa mga kabatan-onan sama sa dautang epekto sa pagamit og internet ,negatibong epekto sa paggamit og iligal nga droga ug uban pa.
Ang DXDC pakig-partner sa National Youth Commission Davao (NYC) Davao, Philippine Mental Health Association Davao (PMHA) Davao ug Philippine Drug Enforcement Agency (PDEA) XI diin gitutokan usab sa mga ahensya ang mga nag unang concern sa mga kabatan onan.
Gawas niini aduna usay mga pahalipay gihatag ang DXDC alang sa mga estudyante nga mitambong sa maong forum.
Tumong sa maong aktibidad nga hatagan og solusyon ang nagkadaiyang problema nga gikalambigitan sa atong mga kabataan.
RadyoMaN Abi Bibera
