General Santos City—Dominant No. 1 ang DXMD-RMN Gensan human nahimo na usab kining numero uno, base sa pinaka-latest nga Official Survey Result sa KBP-Kantar Media Survey nga gipahigayon niadtong Setyembre 10 ngadto na sa Setyembre 16 ning tuiga.
Subay sa resulta sa Kantar Survey sa tanang AM Stations sa syudad No. 1 ang DXMD-RMN Gensan nga nakakuha ug 69.6 Percent Audience share, gisundan kini sa DXES-Bombo Radyo nga anaa sa ikaduha nga pwesto kansa nakakuha ug Audience Share nga 24.9 percent. Ikatulo ang DXDX-Radyo Ronda nga dunay Audience Share nga 4.6 percent, ikaupat ang DXCP-Radyo Totoo nga nakakuha ug audience share nga 0.6 percent ug ikalima ang DXGS nga nakakuha ug 0.3 percent.
Gikalipay ni DXMD-RMN Gensan Station Manager Inah Daven ang pagtaas sa Audience share sa RMN Gensan ngadto sa 69.6 percent kung itandi sa Nakalabayng tuig dihang subling nailog sa estasyonan ang pagkanumero uno nga anaa lang sa 52. 65 percent audience share.
Pasabot lamang matud pa kini nga mas nidaghan ang naminaw sa sibyaranan sa RMN Gensan sa kasamtangan. Tungod niini dako ang iyang pagpasalamat sa tanang mga suking tigpaminaw nga kakunay gyud gasuporta sa tanang programa sa RMN Gensan gikan sa mga balita, drama ug entertainment.
Kahinumduman nga tuig 2006 unang nakuha sa RMN Gensan ang no. 1 sa KBP survey ngadto na sa tuig 2013, tuig 2014 ngadto na sa 2015 dihang nailog kini sa Bombo Radyo apan sa nakalabayng tuig 2016 subli nga nailog sa RMN Gensan ang pagkanumero uno.
