Batan, Aklan — Dead on the spot rong sangka eaeaki matapos nga tambangan ag binaril samtang nagasakay sa motorsiklo kahapon it hapon sa Sitio Baliuagan, Brgy. Camanci, Batan, Aklan.
Ro biktima nakilaea kay Antonio Balagasay, 64-anyos samtang rong suspek nakilaea kay Raul Nicolas sa legal nga edad ag parehong residente it nasambit nga lugar.
Suno kay Mrs. Sylvia Balagasay asawa it biktima nga kahapon it hapon hay ana kara nga ginsugo ro biktima nga magbakae it bueong sa parmasya sa Altavas para sa anang apo bangud nga indi ka popo.
Bago imaw magpanaw hay nagbuoe imaw it helmet ag galunan nga pagasudlan it tubi.
Nagsakay imaw sa motorsiklo ag nagpanaw pero nahasundan pa imaw ko anang asawa ag apo bangud nga naga kaway kaway pa ro mga apo.
Maangan angan hay nakabati it eopok ro asawa it biktima ag sa anang pagtan aw nakita na rong suspek nga nakatumtom sa biktima.
Dinaeagan na dayon ro biktima ay raya hay sumubsob ag pinakaya ugaling nakita na nga naga puslit ro dugo sa liog it biktima.
Nahabatian pa it asawa ko biktima nga naghambae rong suspek nga hato eon mana tumumbabo, ag dayon nga nagpanago sanda hasta nga nag abotan ro mga pulis.
Insigida nga nagpatigayon it hot pusuit rong mga taga Batan PNP ugaling uwa gid raya madakpi ag may bitbit nga armas.
Nag adto man sa crime scene rong SOCO- Aklan pinaagi kay PMSGT. Monfuerto ag naabutan pa rong bangkay nagakaya kaiping ko motorsiklo.
Inisyal nga pagtan aw nana sa bangkay hay nakitaan raya it tama sa liog ag tuo nga uyahon kung sa siin ginapatihan 12 gauge ro gingamit.
Samtang sa pihak nga parte, ginapanan-aw ko asawa it biktima nga bangud sa eogta rong dahilan ko krimen.
Suno kana nga ko dag-on 2013-2014 hay gin ayos nanda ro andang eogta bangud nga nagkurae rong pamilya it suspek pero medyo nag eapaw ag bangud kara hay nag abot sa korte rong reklamo ag makaron nga 2019 hay nahadesisyonan raya ag nagpabor sa pamilya it Balagasay.
Ko Sabado hay nag abot ro surveyor ag ginsurvey ro andang eogta ag ginpangbutangan it mohon ag ro una ngato nga gin eaknab ko suspek hay ginbalik sa pamilya it biktima.
Nagkurae ro pamilya Balagasay pero nagtao man sanda it right of way ag gina isip nanda nga basi indi mabaton it suspek ro desisyon pero nagsugot man raya ko una.
Samtang nakipag-angotan man it RMN DYKR Kalibo si Punong Barangay Malones parte sa pag ginawi ko suspek nga kung sa siin hay ginhambae nana nga medyo may sangkiri nga deperensya raya bangud nga naga hinambae ot isaeanhon ag kon alin alin ro ginawakae nana.
Nakataeana nga igapaidaeom sa autopsy examination makaron nga adlaw rong bangkay it biktima para nga masayuran kon pila gid ag kung siin pa ro tama it biktima samtang rong suspek hay nagsurender man eon kaina it agahon sa Batan MPS.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBn2X98iNL9zXX_JtxlL-5WShxlo17CGVulzVBA25mZPsYCCvOHRDBGmYhchVUgBBqcX4naRKl3oG_4DvSOTwvrAskJqhuYXHMZafRhsd566Tz45oe-…>
