Makato, Aklan – Patay rong sangka 22-anyos nga eaeaki matapos nga mabun-an kaina it aga-aga sa Brgy. Calangcang, Makato, Aklan.
Rong biktima nakilaea kay Ronel Tirol, 22-anyos residente it nasambit nga lugar samtang rong suspek nakilaea kay Roy Tambong, 33-anyos ag taga Sitio Pangawasa, Brgy. Cayangwan sa nasambit nga lugar.
Suno kay PMSGT. Ruel Montoya nga nakabaton sanda it report mga 12:30 kaina nga may binuno sa guwa it covered court kung nasambit nga barangay.
Basi sa mga witness ag pulis nga naka duty sa area hay uwa man it kumosyon nga natabo kundi basta lang binuno ro biktima sa dughan samtang nagatindog nga uwa man it rason.
Gindaea pa sa hospital it mga nagrespondeng otoridad rong biktima pero makataliwan rong pilang minutes hay ginbawian man raya it kabuhi.
Samtang rong suspek hay insigida naeagyo pero na-identify man raya it mga witness rason nga ginpaidaeom sa hot pursuit operation pero mga ala 1:20 kaina hay nagsurrender raya kay PSSGT. Juan Dela Cruz it Makato PNP.
Sa pkikipag-angot sa suspek anang ginpahayag nga nakisindi malang imaw it sigarilyo sa biktima ag imaw ra gin-eagas it grupo pero ginpamalibaran raya it mga naka saksi dahil nga uwa man naga sigarilyo ro biktima ag ro pag-eagas kana hay tag matapos nga mabuno na ro biktima.
Ginpahayag man ni Joylen Katimpo, bayaw it biktima ngan imaw rong nakakita sa pagbuno sa biktima. Suno kana nga ko una hay abi nana gintik eod eamang ro biktima sa dughan ugaling ko pangaywang medyo pagtik eod hay nakita na nga may buyot nga 29 rong suspek ag matapos ro ikaywang buno hay pasimple ra nga sinueod sa buesa it suspek.
Dikato rayon nakita na nga umoy-oy rong biktima ag nagpangayo imaw it bulig sa mga tawo. Samtang rong suspek madasig nga naeagyo kung sa siin linagas pa raya ko ingkampod it biktima nga si Reymart ugaling sa baeay eon ni PSSGT. Dela Cruz rong suspek nag surrender.
Sa impormasyon mat-a nga gintao ni PSGGT. Dela Cruz, nga nahabugtaw imaw ay may nagapanawag ag nagalinahay ro andang ayam. Sa anang pagtan-aw hay rong suspek gali ag nagahambae nga “ma surrender mana ako kimo kol” kung sa siin umabot si Reymart dayon ag naghambae nga imaw mana rong suspek sa pagbuno sa baylehan.
Ginpasueod eon lang dayon ni PSSGT. Dela Cruz rong suspek sa andang baeay, ginpusasan ag gintawgan rong anang kaibahan sa Makato PNP nga idto kana nag surrender rong suspek ag dayon man nga gin buoe it patrol.
Gindugang ni PSSGT. Dela Cruz nga rayang suspek hay dati man eon nga nahakulong.
Uwa man eon marecover it mga otoridad rong siyaw nga gingamit it suspek.
Ginaptihan nga kursunada eamang rong natabo bangud nga tuman ka hilong rong suspek.
Sa makaron hay kulong sa lock up cell it Makato PNP rong suspek ag nakataeana nga pagapasakaan it kasong murder.
#TatakRMN <www.facebook.com/hashtag/tatakrmn?fref=mentions&__xts__%5B0%5D=68.ARAQzcqPZYAyB6TkJW2J1nCmHi6-gtrdeUAkkN3w877GYpZrlcw5ea7yFbtXgas4GFgyO_ZCsaNA1C03PpBRrISYqZNAOXpxWnnjffzucw6xNdbdstWDtiJ4XNdtcSQuV2x…>
