Eaeaki nadakpan it siyaw sa kasagsagan it ati-atihan, kulong

Kalibo, Aklan — Kulong sa lock up cell it Kalibo PNP rong sangka eaeaki matapos nga magtuga it kinagamo ag madakpan it siyaw kahapon sa kasagsagan ko selebrasyon it Kalibo Ati-atihan sa may Martelino Street.
Ro suspek nakilaea kay Apol Gervacio, 28-anyos ag residente it Brgy. Cawayan, New Washington, Aklan.
Sa report it Kalibo PNP nga samtang naka duty sa Police Assistance Center nga nahamtang sa lugar sanday PO1 Gardoce ag PO1 Galas hay may nagpangayo it police assistance ay may nagkinagamo.
Sa pag responde it mga pulis nakapaeagyo rong sambilog pero si Gervacio hay nadakpan ag sa ginpatigayon nga body search kana hay nabuoe kana rong sangka folded knife nga naga sukat it 9 pulgada.
Si Gervacio hay detained sa lock up cell it Kalibo PNP ag posible magapangatubang it kaso nga pagbayolar sa BP # 6.