New Washington, Aklan – Patay eon tag makit-an rong sangka eaeaki kahapon it hapon sa kilid it baybay nga sakop it Sitio Bato, Brgy. Fatima, New Washington, Aklan.
Rong biktima nakilaea kay Edgar Gepolito Zita, 24-anyos ag residente man it nasambit nga lugar.
Suno kay PMSGT. Sagan it New Washington PNP nga base sa andang imbestigasyon hay nagpamunit rayang biktima sa lugar ag ginapatihan nga inatake it anang sakit nga epilepsy (kueo) ag nahueog sa tubi nga naging dahilan ko anang pagka eomos.
Nakit-an eon lang ra imaw nga nagakaya sa binit it baybay. Nasayuran man nga rayang biktima hay masami mat-a nga nagapamunit sa lugar.
Facebook Comments
