New Washington, Aklan — Uwa eon it kabuhi tag masapwan kaina it agahon rong sangka eaeaki nga eotaw-eotaw sa baybayon nga sakop it Brgy. Fatima, New Washington, Aklan.
Ro biktima nakilaea Leopoldo Salazar alyas “Dodoy”, 53-anyos, native it Brgy. Ambolong, Batan pero presente nga naga istar sa Brgy. Fatima.
Nakitaan raya it lastro sa ueo ag iba pang parte it eawas.
Base sa imbestigasyon it New Washington MPS nasayuran nga ko adlaw it Sabado hay nag-eaong raya sa anang magueang nga maga adto sa Dumaguit sa anang mga barakada ag dayon uwa eon raya naka uli.
Dugang pa nga bago matabo raya hay may pagpamaeag sa parte it biktima.
Sa makaron hay padayon pa rong imbestigasyon it New Washington PNP sa nasambit nga insidente para nga matumod kon sin-o ro mga responsible nga nagpatay sa biktima.
