Tangalan, Aklan – Padayon pa makaron nga gina usoy it mga rescuer, kapulisan ag pamilya rong sangka eaeaki nga epileptic ukon may “kueo” matapos ginapatihan nga nahueog raya sa dagat samtang sakay it baruto kabii sa Brgy. Afga, Tangalan, Aklan.
Ro biktima nakilaea kay Gino Pangsagan, 25-anyos ag residente man it nasambit nga lugar.
Base sa report nga rayang biktima nag-adto sa dagat nga sakop it Sitio Isot sa nasambit nga barangay kaibahan si certain alyas “Apa” para mag pangisda pero uwa raya nakabalik.
Ginapatihan it pamilya ko biktima nga basi inatake raya it kueo samtang sa baruto ag nahueog nga uwa eon maka eangoy para makatakas.
Facebook Comments
