Makato, Aklan – Padayon makaron nga gina obserbahan sa Aklan Provincial Hospital rong sangka eaeaki matapos nga makuryente kaina it hapon samtang nagatakod it color roof sa Poblacion, Makato, Aklan.
Ro biktima nakilaea kay Jomarie Nerja, 38-anyos ag residente it Brgy. Balactasan, Madalag, Aklan.
Suno kay PSSgt. James Padasas it Makato PNP nga natabo rong insidente samtang rayang biktima ag may tatlong kaibahan hay nagatakod it color roof sa baeay ni Gema Torre hay nakuyente.
Nasayuran nga halin sa gina ubra nandang bubong may una nga mainline it kuryente nga mga 1.5 meters malang rong antad kung sa siin pagtindog it biktima hay idto tumama ro anang ueo.
Dugang pa nga base sa pagpangusisa nanda nga aware mat a ro mga naga ubra parte sa main line ugaling halipat eang gid siguro.
Matapos makuryente hay nahueog pa ro biktima sa bubongan.
Nakaangkon ra imaw it paso sa ueo, li-og, daywa ka siki ag may gasgas sa may ilong ag mata, kamana man indi makahambae ag ro anang tuo nga alima hay indi mahueag.
(Makato Mdrrmo Ert)
