Kalibo, Aklan — Dead on arrival sa Aklan Provincial Hospital rong 27-anyos nga eaeaki matapos nga gina alegar nagsuicide pinaaki sa pagkuryente sa anang sarili kahapon it hapon sa Sitio Tugbungan, Caano, Kalibo.
Nakilaea rong biktima kay Marjun Torres ag residente it nasambit nga lugar.
Sa report nga napan-uhan raya kahapon ko anang tatay nga si Armando Torres, 61-anyos, nga nagapungko sa bangko nga may ginabuytang electrical wire ag ginpanitan it mga 20 pulgada.
Gintinguhaan pa ra nga eowason it anang tatay nga sangkiri man makuryente pero ko ulihi hay gin utod na eon lang ro wire pinaagi sa pag eabo.
Insigida man nga gin respondehan it mga taga MDRRMO Kalibo ro biktima ag gintinguhaan nga i-revive pero uwa eon naga response rason nga gindaea raya sa Aklan Provincial Hospital pero gindeklara raya nga dead on arrival ni Dr. Floyd Tapuz.
Nakita man sa lugar it insidente ro karatula nga “Huwag hawakan may kuryente” nga ginapatihan gin ubra it biktima bago ginhimo rong nasambit nga butang.
(c) owner
