Malinao, Aklan — Patay eon tag masapwan kaina it hapon ro sangka eaeaki sa kilid it anang baeay sa Brgy. Navitas, Malinao, Aklan.
Ro biktima nakilala kay Jose Johan Remetio y Ilarina, 50-anyos naga trabaho sa gina ubra nga karsada sa lugar bilang taga STOP and GO ag residente it nasambit man nga barangay.
Suno kay Salcedo Rejaba, katabok baeay it biktima ag unang nakakita ko bangkay nga uwa nanda makita nga naka guwa rong biktima ag anda naeaoman basi nagmasakit ag naga isaeanhon malang imaw sa anang baeay.
Sa anang pag libot sa baeay it biktima nakibot eamang raya nga nagahamyangon eon sa kilid it baeay ro biktima ag ninahan.
Sa sugid mat a ko anang igmanghod nga ko nagtaliwan nga adlaw ro biktima hay nakipag inuman daya sa anang mga igkamporan sa may covered court una man sa andang lugar ag uwa eon napan uhan kon nakauli.
Nasayuran nga rayang biktima hay bukon man it paeaaway kon naka inum ag uwa man it kontra sa anda.
Samtang sa pagpangusisa it SOCO Aklan sa pagpanguna ni PCInsp. Ulysses Ortiz sa bangkay nakitaan raya it siyam tanan ka mga tama it pag eabo, 3 sa liog, 3 sa mga butkon ag 3 sa likod nga gintunaan it anang kamatayon.
May na recover man sa crime scene nga ligther nga pwede magamit bilang ibedensya.
Sa sigidas nga pagpatigayon it follow up kung Malinao PNP nasayuran nga may una kara nga nagwala wala ko nagtaliwan nga gabii maeapit sa area nga uwa anay pagpangaeani it kapulisan ag gina sugid nga may nervous breakdown.
Sa makaron hay una sa paghinakop it Malinao PNP rayang tawo ag gina imbestigahan kung sa siin ginakabig man nga person of interest.
Padayon pa gid makaron rong imbestigasyon nga ginapatigayon it Malinao PNP angot sa nasambit nga krimen.
