BACOLOD CITY – Natalana nga igapaidalum sa investigation kag lifestyle check ang ginpahalin nga si anay Bacolod City Police Office, City Director S/Supt. Francisco Ebreo, Jr. kag sa apat ka iban pa gid nga mga police officers.
Ini mismo ang gin-announce ni Presidente Rodrigo Duterte sa iya pag-pagpakigsapol kay Ebreo kag sa apat ka police officials kahapon sa Malacañang.
Ginpahayag nga nagdangat gid lamang sa halos 20 minutos ang meeting ni Duterte sa grupo ni Ebreo may mga las 4:30 kahapon sang hapon sa Palasyo sang Malacañang.
Kaupod man nga nagtambong sa meeting sanday PNP Chief Oscar Albayalde kag Police Regional Director for Western Visayas C/Supt. John Bulalacao.
Madumduman nga si Ebreo upod sa apat ka iban pa nga sanday S/Supt. Allan Rubi Macapagal, P/Supt. Richie Makilan Yatar, P/Supt. Nasruddin Daud Tayuan kag S/Insp. Victor Paulino ang gindismiss sa serbisyo bangud sang kapaslawan sang mga ini nga matapna ang illegal drugs sa ciudad./dyHB BACOLOD
