BACOLOD CITY – Magasugod na sini nga second quarter sang 2018 ang construction sang second phase sang Bacolod Economic Highway.
Ini ang magahalin sa Barangay Mansilingan, maga-lusot sa barangay Vista Alegre pakadto sa Barangay Granada.
Ginpahayag nga ang second phase sang Bacolod Economic Highway ang naga-laba sang kapin sa anum ka kilometro kag may approved budget nga kapin sa P400 million pesos.
Nahibaluan nga ang Bacolod Economic Highway isa ka multi-year project nga gin-impliment sang DPWH humalin sang 2017 pakadto sa tuig 2021 sa idalum sang Build, Build, Build Program sang Duterte Administration.
Ang amo nga proyekto nagatuyo nga makahatag sang alternate nga rota agud nga indi mag-gutok ang Bacolod North Road kag ang Circumferential Road. /dyHB BACOLOD
