RMN Laoag – Nasapa a na-harvest dagiti naruay nga ikan iti nagduduma a fiskarya iti Ilocos Norte gapu pay laeng ti El Niño iti pagilian.
Daytoy ti impakaammo ni BFAR Region 1 Director, Dr. Lilibeth Signey babaen ti pannakitaripnongna kadagiti mangngalap iti probinsiya.
Umana iti daytoy, impalgak ti PAG-ASA-DOST a ti El Niño phenomenon ket marikriknan iti amianan a passet ti pagilian kangrunaanna iti Luzon. Ditoy ngamin ti umuna a matupar ti init wenno tropical area.
Innayon pay ni Signey, a gapu ti El Niño, bumassit ti danum ken bumaba ti oxygen requirement para iti fishpond wenu fish cages a rason ti ‘Fish Kill’ wenno panakatay dagiti ikan.
Gapu kadaytoy, imbilin ti BFAR ti partial harvesting iti Ilocos Norte tapno maliklikan ti El Niño a mangdadael kadagiti pagubraan dagiti kakabsat a mannalon.
Bernard Ver, RMN News
