Makabig nga presko kag malimpyo pa ang mahaklo nga hangin dire sa syudad sang Koronadal base sa ila nga monitoring suno kay Environment Management Bureau Information Officer Maysheen Natividad.
May-angot sini, wala suno pa sang dapat nga kabalak-an ang mga pumuluyo tungod may aksyon man nga ginahimo ang ila nga ahensya upod na ang iban nga mga partner agencies agud magapabilin nga malimpyo ang hangin nga mahaklo ukon indi mangin polluted.
Suno kay Natividad lakip sa mga aktibidad sang ahensya amo ang pagtanom sang kahoy upod na ang mga local government unit.
Nahibaluan nga kon malala ang air pollution makatuga ini sang balatian kapareho sang lung cancer, pneumonia kag iban pa nga mangin tunaan sang kamatayon.
Facebook Comments
