General Santos City—sikop sa operatiba sa Police Station 4 ang 30 anyos nga empleyado sa Bakery dungan sa gihimong buybust operation sa Sta. Therisita, Barangay San Isidro ning syudad alas 12:00 pasado sa udto kaganina lang.
Suspek giilang si Ryan Canomon, 30, residenti sa nasampit nga lugar. Napalitan ang suspek ug 1 ka sachet sa gituohang shabu gamit ang P500 nga marked money.
Gawas sa napalit sa nasangpit, laing usa pa ka pakete sa gikatahapang shabu ang narekober sa kapulisan.
Sa interview sa RMN Gensan news Team gibutyag ni Spo4 Ralf Brown nga wala sa ilang drug watchlist ang pangalan sa suspek apan dunay mga impormasyon nga gapamaligya kini ug iligal nga droga mao nga gipailawom siya sa surveillance sulod sa usa ka simana.
Sa karon ginaandam na sa kapulisan ang pagpasang-at ug kaso batok sa suspetsado.
