Detinado karon sa Agora Police Station ang usa ka empleyado sa Department of Education o Deped sa Cagayan de Oro.
Kini human nakuhaan og illegal nga druga, mga armas ug bala sa dihang gisilbi sa kapulisan ang search warrant kagahapon sa hapon sa Barangay Gusa ning syudad.
Ang suspek mao si Jose Rafael Asnar nagtrabaho sa Finance Department sa Agusan National High School.
Si Asnar nakuhaan og unom ka sachet sa gituhoang shabu nga gibana-banang nagbalor sa 40 mil pesos.
Gawas niini, nakompiska usab gikan kang Asnar ang duha ka kalibre .45 nga armas ug napulo ka bala niini, 9mm ng dunay upat ka bala ug magazine.
Tungod niini, mag-atubang si Asnar sa kasong pagsupak sa Republic Act 9165 o Comprehensive Drugs Act ug illegal possession of firearms and ammunitions.
By: RadyoMaN Annaliza Amontos-Reyes
