Giangkon ni Police Lt. Noel Oclarit sa Criminal Investigation and Detection Group kon C-I-D-G Misamis Oriental nga aduna na unta silay himoon nga entrapment operation karong semanaha batok sa usa ka Raul Zapatos Jr, kinsa usa ka court employee nga bag-ohay lang nadakpan sa buy bust operation.
Matud ni Lt. Oclarit, nga adunay walk in complainant ang miduol ug mireklamo batok kang Zapatos.
Giingong anaa na sa Lumbia ang bana sa complainant ug miduol kini kang Zapatos apan gipangayoan kini sa suspek og kwarta.
Dugang pa ni Lt. Oclarit nga iyang gikasubo nga naunhan sila sa Police station 7 Bulua sa pagdakop kang Zapatos.
Samtang, ilad matud pa ang mga modus operandi nga gihimo sa suspek.
Matud ni Police Lt. Oclarit nga dili basta basta magpakanaog og hukom ang mga huwes pinaagi sa pagdismiss sa kaso, ilabi na kung droga ang kaso.
Dugang pa ni Lt. Oclarit nga nangayo matud pa si Zapatos og 30-mil pesos sa complainant nga miduol sa C-I-D-G hinungdan nga iyang giingnan ang pamilya nga i-provide ang maong kantidad aron unta kini ipa-crime lab.
