General Santos City—lima ka mga samad dinunggaban ang naangkon sa usa ka empleyado sa Socoteco II human kining gidunggab sa usa ka suspetsado sa may Litan Vill., Barangay Sinawal, Gensan.
Biktima giilang si Ramon de Tomas, 52, residenti sa samang lugar. Alas 9:00 ang takna sa gabie samtang nag inum ang biktima, iyang nakalalis ang suspek nga si Boy Abuan.
Ang panaglalis misangko ngadto sa pagpanunggab igo sa nagkandaiyang parti sa lawas. Paspas usab nga misibat ang suspek human sa insidenti, samtang ang biktima, nakahimo pa sa pagsakay sa iyang motorsiklo padulong sa Mindanao Medical Center.
Sa karon padayon pang ginapangita sa kapulisan sa sakop sa Police Station 2 ang suspek ug ila nalang gihuwat ang desisyon sa pamilya sa biktima kung ila bang pasakaan ug kaso ang suspetsado.
