South Cotabato – gibarikadan sa mga lumulupyo sa Sitio Denian, Barangay Laconon Tboli, South COtabato ang main road padulong sa packing plant # 921 nga iyaha sa Sumifru Company alas 8:00 sa buntag niadtong nakalabayng adlaw.
Mismong si Barangay Kagawad Benito Lagumbay ang nanguna sa mukabat 50 ka mga land owners ang pagbarikada sa kalsada sa maong lugar.
Tumong niini aron nga mapugngan nga makasulod sa maong packing plant ang mga equipment sa SUMIFRU Company
Nasayran nga una nang mihangyo ang mga land owners ngadto sa kumpanya nga sila hatagan ug lima ka tuig nga advance payment sa kumpanya alang sa renta sa iyang mga yuta nga gigamit sa SUMIFRU.
Human sa insidenti naapektuhan ang operasyon sa kumpanya diin temporary usab nga giundang ang ilang operasyon tungod dili makalusot ang ilang mga ekwepo ngadto sa ilang packing plant.
