Patay ang 46 anyos nga trabahante sa usa ka government-run radio station sa Marawi City human kini gipusil sa wala pa mailang suspek, alas-6:00 niadtong Sabado sa gabii duol sa iyang balay sulod sa Mindanao State University o MSU Main Campus,Marawi City.
Naila ang biktima nga si Jessie Cano, kapin kun kulang 20 ka tuigna’ng trabahante isip utility worker sa DXSO Radyo Pilipinas Marawi, usa ka estasyon sa radyo nga gidumala sa PresidentialCommunications and Operations Office o PCOO.
Base sa report sa Marawi City Police Station, naglakaw ang biktima gikan sa palengke pauli sa iyang balay dihang gipusil kini sa suspek gamit ang 9mm caliber pistol.
Upat ka samad sa iyang likod ang naangkon ni Cano nga maoy hinungdan sa iyang kamatayon.
Matud pa ni Superintendent Jamal Adiong, chief of police sa Marawi, gitan-aw nila sa ilang imbestigasyon ang pagka Army reservist ug pagka Christian sa biktima.
Posible, matud pa, nga naalaan kining asset o intel person sa militar sa mga remnants o nahibilin pa’ng miyembro sa Maute-ISISnga sekreto karong nag-operate sa Marawi City.
Miingon si Adiong nga ang mga nahibilin pa’ang miyembro sa Maute-ISIS ang naglihok nga tinagsa lang ug dili grupo hinungdannga naglisod ang mga utoridad sa pagtumbok kanila.
| | Virus-free. www.avast.com |
