KABANKALAN CITY – Padayon ang hot pursuit operation sang mga soldado batuk sa mga ginapatihan nga mga rebelding New People’s Army ukon NPA matapos magluntad ang encounter pasado 1:55 sini lang nga hapon sa Brgy. Magballo.
Sa interview sang dyHB kay 303rd Brigade Commander Col. Benedict Arevalo nga nakabaton sang impormasyon halin sa mga pumoloyo ang tropa sang 15th IB kag 12th IB lakip man mga Cafgu nga nakabase sa Dacongcogon Detachment nga may mga armado nga mga tawo sa ila nga lugar.
Gilayon nga nagresponde ang mga soldado kag ila na enkuentro ang indi magnubo sa napulo tubtob 15 ka mga ginapatihan NPA.
Naglawig sang 15 minutos ang pagbayluhanay sang linupok antis nagwithdraw ang mga armado.
Wala naman sang may napilasan ukon napatay sa nasambit nga engkwentro. /File photo
