General Santos City–Pormal nang napasakaan ug kasong pagsupak sa RA 9165 kon Comprehensive Dangerous Drugs Act Of 2002 ang usa ka entertainer sa usa ka video-k bar sa Barangay Calumpang ning syudad human nga nasikop kini sa gipahigayon nga buybust operation sa Police Station 5 niadtong milabay nga adlaw.
Giila ang suspect nga si Neca Sapii, 29 anyos, residenti sa 2nd road barangay Calumpang ning sayudad, human napalitan ug usa ka sachet nga shabu gamit ang P500.00 nga marked money.
Una nang gipanghimakak sa suspect nga si Neca nga nagapamaligyaan kini ug iligal nga droga sanglit igo rang gibutang sa usa ka lalaki sa lamesa dayon gipaangkon ngadto kaniya.
Giangkon sa nasangpit nag siya naggamitan ug illegal drugs kaniadto apan dugay na syang naundang ug nag focus sa iyang trabaho aron nga adunay ikabuhi sa iyang mga anak.
Sa karon pabiling balhog sa silda sa Police Station 5 ang nasangpit nga suspek. (Dave Silagan)
