General Santos City–Pormal nang napasakaan ug kasong murder sa Police Station 4 ang suspect sa pagpatay sa usa ka 33 anyos nga si Ronald Blasé nga residenti sa Dacera compound, prk 14, Barangay Mabuhay ning syudad niadtong milabay nga bulan sa Dacville, Phase 3, Barangay Mabuhay, Gensan.
Giila ang suspect nga siTiting Gelia, legal age, residenti sa susamang barangay. Nasayran nga gilayong misibat ang suspek human niyang gipatay ang nasangpit nga biktima tungod lang sa ilahang lalis.
Alas 3:00 ang takna sa hapon niadtong milabay nga adlaw na-file sa kapulisan sa sala ni Associate Prosecutor Bandiola sa Hall Of Jusctice ang kasong giatubang sa nasangpit nga suspetsado.
Sa kasamtangan gipaabot nalang sa kapulisan nga magpakanaug ug warrant of arrest ang korte aron usab sikopon ang nasangpit nga suspect nga sa kasamtangan nag tago-tago na tungod sa salaud nga nabuhat.(Dave Silagan)
