Kalibo Aklan- Nagka-aberya ro sangka eroplano it Far Eastern Air Transport flight FE321 nga sangka McDonnell Douglas MD-83 type aircraft nga may tail number B-28027 sa Kalibo International Airport matapos magsobra ro landing gear kara sa runway nga sakop it Brgy. Tigayon samtang nagaliko kabii.
Base sa mga residente nga napan-uhan nanda takna alas 6:30 it gabie ro pagliko it eroplano sa punta it runway apang nakabati eon lang sanda nga nagkaeas raya ag owa eon nakabalik sa runway.
Insigida man nga nagresponde ro mga miembro it CAAP Firefighters ag ground crew agud masueang ro mga pasahero nga sakay it eroplano.
Matapos ro haeos sang oras, natigayon raya nga mabuoe ag maguyod paadtu sa terminal area.
Nagkrear ro insidente it pagkadelay sa pila ka mga flight sa paeuparan kung sa siin alas 7:30 eon nakabalik ro operation.
Samtang suno man kay Engr. Eusebio Monserate Jr., it Civil Aviation Authority (CAAP) Kalibo nga rong nasambit nga eroplano hay nakaangkon eamang it soft spot kung siin nga over-extended ro sangka kariton it eroplano sa punta it runway.
Uwa man it may nasakitan sa 121 ka mga pasahero ag 7 ka mga crew members.
