Ging amat-amat eon it panupod sa mga Yolanda beneficiaries sa probinsya it Aklan ro Emergency Shelter Assistance (ESA) nga halin mismo sa opisina ni Presidente Rodrigo Duterte.
Suno kay Kim Sim Tugna it Bayan-Aklan, daya nga pagpanupod it ESA hay bunga eon ko anda nga pag-martsa ag petisyon ko Rise-Up Aklan sa Office of The President para sa mga Yolanda survivors nga uwa pa nakabaton it ESA.
Nasayuran nga natapos eon ko nagtaliwan nga dominggo do mga banwa it Madalag, Malinao, Lezo ag makaron nga dominggo hay padayon man do pagpanupod sa mga beneficiaries sa banwa it Makato.
Samtang hin-aga nga adlaw hay ro banwa man it Libacao ro makabaton hasta sa Biyernes kung siin ging tunga-tunga ro pag-release sa tanan nga mga kabaranggayan.
Sa masunod nga dominggo hay ro banwa man it Altavas ro makabaton it andang ESA nga una gina claim sa Provincial Capitol.
Raya nga ESA hay 5thousand presidential financial assistance sa bawat beneficiaries nga pilang dag-on eon nga gina hueat-hueat matapos nga dumaeasa sa probinsya ro typhoon Yolanda.
