Davao City- Sugdan na ang klase sa 70 ka mga inmates karong bulan sa Agosto human nga natapos na gyod ang 2 storey building sa pinakaunang eskwelahan sulod sa detention cell sa Pilipinas ug sa Asya.
Atol sa launching sa ‘College Education Behind Bars’ gisulti ni BJMP Chief Jail Director Serafin Barretto Jr. nga nahimong inspirasyon ang syudad sa Davao tungod niini nga proyekto ug puhon sa tabang sab sa mga Non-Governmental Organizations (NGO) makatukod sab og susamang eskwelahan sa laing pang parte sa nasud.
Sa kagustuhan ni Dr. Alan Mitzell kinsa founder sa ‘College Education Behind Bars’ nga matabangan ang mga nalambigit sa iligal nga droga nga mahatagan sila’g kaugmaon samtang anaa sulod sa prisuhan nahimong posible ang maong programa.
Sa pagkakaron kursong Bachelor of Science in Computer Technology ug Bachelor of Science in Agricultural Business ang kasamtangang gi-offer sa maong modernong pasilidad.
Sumala ni University of South Eastern Philippines president Lourdes Generalao, ang mga inmates nga libreng makaeskwela sa upat ka tuig dunay diploma nga nagpaabot kanila inig graduate nila sa ilang napiling kurso sulod sa prisuhan.
Mismong mga teachers gikan sa USEP ang muadto ug mutudlo sa City Jail.
Ang BJMP gipaniguro nga dunay igong ihap sa mga personahe nga mubantay seguridad sa maong pasilidad.
Kasamang Aimee Guinita
