Kapin sa apat ka milyon ka pesos nga proyekto ang mabaton sang isa ka buluthu-an sa banwa sang La Castellana bilang donasyon gikan sa pungsod Japan.
Naglagda si Mayor Rhumyla Nicor Mangilimutan sang kontrata tuhoy sa bulig nga ginhatag sang pungsod Japan sa Don Felix Robles Elementary School sa banwa sang La Castellana.
Natabo ang paglagdaanay sa JICC Hall sang Japan embassy nga nahamtang sa Pasay City.
Ang proyekto amo ang pagtukod sang dugang nga mga hulot sa eskwelan kag ini nagabalor sang P4,161,605.
Ang proyekto kabahin sang Japan’s Grant Assistance for Grassroots Human Security Projects (GGP).
Magluwas kay Mayor Mangilimutan, nagtambong man sanday, Jonalie Pabiania, Principal sang Don Felix Robles Elementary School, Municipal Engineer Jocy Mar Vitorino, Municipal Accountant Joelette B. Borromeo, Municipal Treasurer Nemuel Juayan kag Hannah Ryn Velasco Bontogon, Senior Administrative Assistant III.
[image: image.png]
