Patay ang isa ka estudyante, matapos nga nagkomitir sang suicide sa Sitio Upper Lamongkot, Purok Paraiso, Barangay San Miguel, Norala, South Cotabato.
Sa imbestigasyon sang Norala MPS bag-o pa man ang insidente alas 7:00 sang aga sang Disyembre 01, 2020, ang biktima nga si Felix Sambar Modesto, 21-anyos, single, estudyante kag residente sang Purok Paraiso, Barangay San Miguel, Norala, South Cotabato ang naghalin sa ila balay kag wala na nakapauli.
Samtang alas 10:00 sang aga, kahapon nga adlaw, Disyembre 2, ang nasambit nga persona ang nasapwan na lamang ni Ronie Baylon, residente sang nasambit nga lugar nga magalawig kuntani sang iya nga carabao.
Apang nakit-an niya nga nagabitay ini sa kawayan gamit ang nylon rope nga ginhigot sa iya leog kag wala na sang kabuhi sa farm lot ni Macario Leal, Purok president sang nasambit nga lugar.
