Ex-Barangay Kagawad sa Banwa sang Banga, Arestado sa drug operation

Arestado ang isa ka Barangay Kagawad sa ginpatigayon nga drug buy operation sang Philippine Drug Enforcement Agency ukon PDEA Region 12 sa pagpanguna ni Regional Director Gil Cesario Castro pasado ala una sang nagligad nga hapon sa Purok Masinadyahon, Bo.1, Banga, South Cotabato.
Gindakop suno pa ang suspek nga ginkilala kay Joseph Benes Apeliado Atensor, 37anyos, may asawa, Ex-Barangay Kagawad sang nasambit nga Barangay makaligad nga magbaligya sang isa ka pakete sang ginasuspetsahan shabu nga gingamit nga poseur item sa kantidad nga isa ka libo ka pesos (P1,000) nga mark money sa PDEA Agent nga poseur buyer sa nasambit nga lugar
Samtang narekober sa possession sang suspek ang ginabulubanta isa ka gramo sang ginasuspetsahan shabu nga may kantidad sa lima ka libo ka pesos (P5,000), nagkalain-lain nga drug paraphernalia kag isa ka unit sang Celpon.
Pagapasakaan naman sang kaso nga pagbayolar sa section 5, 11 kag 12 Article II sang R.A. 9165 ang suspek sa korte matapos ini ginpaidalomsa kustodiya sang PDEA Regional Office 12 Detention Facility sa syudad sang Heneral Santos.