Gin-convict sang Sandiganbayan 7th Division ang anay alkalde sang banwa sang Valladolid, Negros Occidental sa kaso nga graft angut sa pagbakal sang banwa sang construction materials halin sa iya bayaw sadtong 2008 nga wala nag-agi sa public bidding.
Si anay Mayor Romel Yogore gin-sentensyahan sang 8 ka tuig nga pagkabilanggo kag gindagdagan sang perpetual disqualification sa pag-uyat sang ano man nga public office.
Samtang, ang mga co-accused ni Yogore nga sanday anay Bids and Awards Committee members Giovanni Robles, Ernesto Genobis, Daisy Galve kag Merlene Magbanua subong man ang iya bayaw nga si Jonie Nieve ang tanan na-acquit matapos napaslawan ang prosecution nga mapapamatud-an nga ini sila ang guilty beyond reasonable doubt.
[image: image.png]
