BACOLOD CITY – Natigayon nga madakpan sang mga katapo sang CIDG kahapon sang aga ang isa ka kontrobersiyal nga pulis sadto sa sulod mismo sang Hall of Justice.
Ang anay pulis nga si SPO1 Dante Victor Escorpion gindakup sang mga katapo sang Criminal Investigation and Detection Group (CIDG) samtang nga ini ang naga-tambong sa isa ka hearing.
Suno sa Deputy Provincial Director sang CIDG Negros nga si PLt. John Baligat nga si Escorpion ang naga-trabaho karon bilang isa ka financial investigator sang isa ka lending company.
Kahapon sang aga, ini siya ang nagtambong sa hearing sang isa ka kaso kag posible may nagpabalo nga ara sa area ang ex-police gani ini ang nadakpan.
Ginpahayag ni Baligat nga gindakup si Escorpion pinasagi sa isa ka warrant of arrest bangud man sang iya kaso sadto nga violation sang Comelec gun ban.
Suno kay Baligat, ini sya ang natalana nga igaremit sa Muntinlupa para serbisyuhan ang iya kaso.
