Sa exclusibo na pagbisita nan RMN Surigao sa tuyo ka barangay nan Carrascal nakit an na moabot sa 1,036 ka mga residente an pogsanon na tagpabakwit kuman sa municipal evacuation center tungod sa grave na kadaut daya nan pag igo sa Bagyong Basyang sa ila lugar diin mikalas nan lima ka kinabuhi tungod sa paglandslide sanan pagbaha. Sumaya pa na lima an namatay sa tuyo ka barangay na jaun ubos na bahin sa bukid nanimuyo an mga residente.Totally Damaged an barangay Babuyan tungod sa grabe natabunan na mga panimayay, mga katanuman sanan kahayupan nila. Amo isab an nahitabo sa duha ka barangay na natabunan nan grave na lapok og pag agas sa tubig gikan sa bukid , ini amo an barangay Gamutan sanan Bacolod. Kagaina buntag nakuha na sa mga rescuers an nabiling 200 ka residente sa brgy Babuyan na natrapped tungod kay grave pa an tubig baha. Sa pagkakuman jaun an tanan residente sa municipal evacuation center gipahimutang sanan taghatagan nan ila mga panginahangalanon pareho nan pagkaon og sanina.(RadyoMaN Jerson Fuentes)
