‘Expert group’ mutabang sa pagpakunhod sa Davao COVID cases

65

Davao City – Gikatakdang muabot dinhi sa syudad sa Davao ang usa ka dakong grupo gikan sa national government aron mutabang makunhuran ang padayong pagsaka sa kaso sa COVID-19 pandemic.

Kini ang gibutyag ni City Councilor Joselle Villafuerte atol sa interbyu sa DXDC RMN Davao kaniya kinsa nagkanayon nga ang maong grupo mao usab ang nitabang aron makunhuran ang kaso sa COVID-19 sa National Capital Region.


“The assessment of Davao City was probably shared to a certain group na tumulong din na mapababa ang (COVID-19) surge ng NCR – the same group that helped them which will be coming to Davao, ” saysay niini.

Gikalipay kini sa konsehala sa ikatulo nga distrito kinsa usab usa ka doktor sanglit aminado kini’ng dakong hagit karon ang kakulangon sa mga personahe sa health sectors.

Gitataw ni Villafuerte nga sunod semana muabot ang maong grupo dala ang kaugalingong mga doctor, nurses, medical supplies, PPEs, testing kits ug uban pa diin matud pa maoy mu-fund sa tanan ug pag set-up nalang og dugang Temporary Treatment and Monitoring Facilities duol sa Southern Philippines Medical Center (SPMC) ang himuon sa LGU.

Dugang ni Villafuerte nga naobserbahan niing relax nga minimum health protocol diin mas daghan ang leisure sa mga apektadong areas sa syudad sa Davao.




Gitutukan usab sa LGU ang testing, tracing ug treatment alang sa mas episyenteng pag-isolate sa mga COVID patients.

RadyoMaN Jason Amisola

Facebook Comments