Patay nang nakit-an sa mga residente sa Zone 1, Luyong Bonbon, Opol, Misamis Oriental ang usa factory worker nga naglutaw-lutaw sa baybayon sa Opol Fish Port kagahapong adlawa.
Ang biktima nailang si Steve Pinque, 40 anyos, minyo residente sa nahisgutang dapit ug usa ka factory worker.
Nasayran nga matud pa sa asawa niini nga adlaw’ng Sabado sa buntag mga alas otso kapin kung kulang milakaw kini sa ilang panimalay apan wala na kini makauli ug dako nalang ang iyang kakurat diin kagahapong adlawa nakit-an nalang kining iyang bana nga patay nang naglutaw lutaw sa maong baybayon.
Basi sa imbestigasyon sa Opol Municipal Police Station nga walay nakitang foul play sa kamatayon sa biktima apan gipahimangnoan nila ang pamilya nga ipaubos sa autopsy ang patayng lawas aron masuta ang hinungdan sa iyang kamatayon.
