Nagapadayon ang feasibility study sang Panay-Guimaras-Negros Island Bridges.
Ang feasibility study sang taytay nga maga-konekta sang tatlo ka isla ang ginapatigayon sang CCC Highway Consultants sang pungsod China.
Ini ang nag-sugod nagligad pa 2018 kag matapos naman sa bulan sang Enero sa masunod nga tuig (2020).
Base sa project profile, ang duha ka taytay nga ginatutukan sang CCC Highway amo ang Panay-Guimaras Bridge nga maga-sugod sa Leganes, Iloilo kag magalusot sa Buenavista, Guimaras.
Samtang, ang Guimaras-Negros Bridge ang maga-sugod naman sa banwa sang San Lorenzo kag maga-dulog sa Pulupandan, Negros Occidental.
Bilang bahin sang preparasyon para sa konstruksyon, ang pila ka road sections sa Guimaras Island ang na-develop kag nasementuhan na kag kilala karon bilang Guimaras Cross Island Roads.
