General Santos City—gigalugad sa mga personahe sa PDEA-Regional office 12 ang female Detention Cell sa Gensan Reformatory Center kaganinang buntag.
Sumala ni Kath Abad, Spokesperson sa PDEA-12 nga una nang nag request ngadto sa ilang buhatan si Jail Superintendent Peter Bungngat Jr., aron magpahigayon ug Greyhound sa prisohan sa mga babayeng inmates sa maong pasilidad.
Alas 7:00 kaganinang buntag dihang gihimo ang Oplan galugad kung asa nagpadala ug K9 units ang PDEA sa Gensan City Reformatory Center. Walay nakuhang shabu sa prisohan sa mga babaye apan adunay mga nakumpiskang kontrabando sama nalang sa improvised pointed weapon, cellphone ug uban pa.
Samtang nagpahigayon usab ug drug test ang PDEA ngadto sa pipila ka mga inmates ug jail guards aron sutaon kung duna bay magpositibo sa iligal nga droga. ang lakang gihimo alayon sa pagpalig-on sa kampanya sa pamunuan sa City Jail batok posibling pagpalusot ug iligal nga droga sa lugar.
