BACOLOD CITY – Gindala na sa sa ka funeral home sa Brgy. Alijis ang nasapwan nga fetus sang lapsag nga lalaki nga nasapwan kaina sang aga sa isa ka sapa sa amo nga barangay.
Ang fetus, ginabulubanta naga edad sang 5 ka bulan, nagatapik pa ang umbilical cord sang ini ang nasapwan sang pila ka residente pasado las 9 sini nga aga sa isa ka sapa sa Purok Fuentevella, Brgy. Alijis, ciudad sang Bacolod.
Suno sa mga nakakita nga nakibot sila nga may lapsag sa sapa kag kon diin ginapatihan nga posible ini ang ginbilin didto kahapon pa ukon kagab-i.
Gilayon nga nagtawag sang pulis ang mga residente agud makapatigayon sang imbestigasyon kon bala sin-o nga wala sang kaluoy nga iloy ang naghaboy ukon nagbilin sang amo nga fetus sa sapa/dyHB BACOLOD
Facebook Comments
