BACOLOD CITY – Kahapon gid lamang nagka-guts nga magpa record sa pulis ang isa ka soltero nga ginpulihan kastigo sang 7 tanan ka mga lalaki sadtong nagligad nga Martes sa atubang sang barangay market ukon talipapa sa Brgy. Tangub, ciudad sang Bacolod.
Si Christopher Sevillano, 24 anyos ang edad, single kag pumuluyo sang Purok Habitat, Brgy. Tangub sining ciudad sang Bacolod ang nagpadulong sa Police Station 8 kahapon sang hapon agud ipa-blotter nga sadtong Martes sang Kaagahon, September 18 ini siya ang ginpulihan kastigo sang 7 ka mga lalaki.
Tatlo sa mga ini ang nakilala nga sanday JR Buenaflor, legal ang edad kag pumuluyo sang Purok United Roadside, Brgy. Tangub, Jason Jocson kag Jessie Espares, lunsay legal ang edad kag pumuluyo sang Purok Crossing 8 sang amo man nga barangay.
Suno kay Sevillano nga samtang ini nagalakat sa dalan, ginpalapitan siya sang amo nga grupo, ginpulihan kastigo kon diin isa sa ila ang naglampos pa sang botilya sa iya agtang./dyHB BACOLOD
