Davao City – Gikatakdang himuon karong adlawa, Mayo 9, 2019 ang final testing and sealing sa mga voting machines o upat ka adlaw ayha magsugod ang 2019 Midterm Election sa adlawng Lunes, Mayo 13, 2019.
Sa pakighinabi sa DXDC RMN Davao kang Atty. Krisna Samantha Caballero, spokesperson sa Commission on Election (COMELEC)-XI, gibutyag niini nga sa final testing and sealing, sulayan sa paggamit ang voting machines kung sakto ba ang pag function niini.
“Sa final testing and sealing, dira nato i-test kung ready na ang atong machines. Magkuha ta og 10 ka mga botante, mag vote na sila. Human ana, mo print na sya og the normal election returns pag human mag manual audit ta,” saysay ni Caballero.
Pagpasabot ni Caballero nga pinaagi niini, masuta kung sakto ba o “accurate” ang pagbasa sa makina ug ang pagbasa sa manual diin angay gayud kining mag match.
Dugang sa opisyal nga ugaling dili mag match, diri na sutaon kung aduna bay problema sa pagboto sama sa pag overvote, undervote o kaha nag abstain, o bin ba kaha adunay problema sa makina diin angay kining ilisan ayha pa man ang mismong adlaw sa eleksyon.
RadyoMaN Kirby Manzon
