Aprubado na sa Department of Interior and Local Government ang pagpagawas sa financial assistance alang sa 89 ka kanhi rebelde kinsa mi-surrender sa probinsya sa Bukidnon ug dinhi sa Cagayan de Oro.
Mokabat sa 4.5 million pesos ang gigahin alang sa 79 ka mga kanhi rebelde nga misurrender sa Bukidnon ug 700 tawsan pesos ang gigahin alang sa napulo ka kanhi rebelde nga misurrender dinhi sa Cagayan de Oro.
Matud ni DILG 10 Regional Director Arnel Agabe, ang maong assistance makatabang sa mga kanhi rebelde aron makasugod sa bag-ong kinabuhi. Nanghinaot usab ang opisyal nga daghan pang miyembro sa walhong grupo ang mosurrender.
Facebook Comments
