ILOILO City – Ginpanagtag ni Mayor Jose Espinosa III ang mas dako nga financial assistance sa mga biktima sang sunog sa barangay Calaparan, Arevalo.
Kabug-usan nga 62 ka tag-iya sang pamalay ang nakabaton sang P7,000 nga assistyance matapos maupos sang kalayo ang ila puluy-an samtang may P3,500 naman nga nabaton ang mga tag-iya sang partially damaged nga puluy-an.
Suno kay Espinosa ginpadakuan niya ang assistance sa nasunugan bangud nahibaluan niya nga kulang ang una nga P5,000 sa totally damaged kag P2,500 sa partially damaged.
Samtang maluwas sa syudad naghatag man sang bulig ang Bangko Sentral ng Pilipinas kag Open Arms Foundation Inc.
Facebook Comments
