Firecracker Designated Zone tagpanhingusgan nan PNP sa Surigao City
Tagpanhingusgan kuman nan kadagkuan nan Phil. National Police an pagpatuman nan Firecracker Designated Zone sa Surigao City.
Sumaya pa nan Chief of Police na si Supt. Jay Baybayan, sa lain-laing barangay may tagtudlo na magsilbi na didto ra magpabuto nan lain-laing pyrotechnic materials labi na sa pagsugat sa Bag-ong Tuig. Sa Brgy. Taft, an designated firecracker zone an City Boulevard, sa Brgy. Washington an atubangan nan brgy. hall, pareho isab sa Brgy. Sabang na duol sa brgy. Hall an didto ra magpabuto, sa Brgy. Lipata an sa may seawall tapad sa isa ka bakante na lote, sa Brgy. Anomar an sa plaza nila ug solar dryer, sa Brgy. Ipil sa may seawall nila, sa Brgy. San Roque an covered court, sa Brgy. Quezon sa ila brgy. playground ug sa Brgy. Cabongbongan an brgy. dryer site. Dugang pa ni Baybayan, an mga indibidwal na magpabuto gawas sa designated firecracker zone an pagadakpon nan mga otoridad
