Gihatagan ug dakong pagtagad sa Lokal nga Pangagamhanan sa siyudad sa Malaybalay ang kasaulugan sa ika-120 nga Independence Day karong adlawa.
Sa interview sa RMN Malaybalay ngadto kang Romeo “Meong” Lapiceros, ang executive assistant to the City Mayor, gibutyag niini nga ang Independence Day usa ka mahinungdanon nga kasaulugan sa nasud Pilipinas.
Nagpahinumdom matud pa kini sa matag Filipino nga ang unsa may gi-enjoy karon nga kagawasan ang gipakigbisugan sa mga ninuno maong angayan lamang kini suklian ug maayong gawi alang sa ikalambo sa katilingban.
Angayan usab nga handumon sa matag usa ang sakripisyo nga gihimo sa mga katigulangan aron lang maprotektahan ang atong mga katungod ug ma-angkon ang kagawasan.
Alayon niini, all set na ang aktibidad nga ipahigayon sa Malaybalay karong adlawa.
Matud ni Lapiceros nga adunay ipahigayon nga flag caravan paga-sundan sa usa ka mubo nga programa nga tambungan sa mga imbitadong local government offices, national agencies ug mga civic organizations.
