Ginapa-imbestigar na karon sang city government ang gina-allege pagpatigayon sang foam party sa isa ka resort sa Bacolod City.
Ginpahayag nga ang amo nga foam party ang ginpatigayon sa opening sang isa ka bag-o nga resort sa ciudad sang nagligad nga January 15.
Sa inisyal nga imbestigasyon sang Bacolod City Emergency Operations Center, ginsiling sini nga may violation sa minimum health protocols ang mga nagtambong sa party.
Ini matapos nakita nga wala nagasuksok sang face mask kag wala nag-practice sang physical distancing ang mga nagtambong kag nag-salo (nag-share) pa sa pagkaon ang mga nagkadto diri.
Sa tion nga mapamatud-an sang ciudad nga may violations nga na-commit ang amo nga bag-o bukas nga resort, ini ang igapasira.
Samtang, wala pa nakapagwa sang ila nga pahayag ukon statement ang tagdumalahan sang amo nga resort.
[image: image.png]
