General Santos City – Nagpadayon pa ang gihimong imbistigasyon sa pagpamusil sa Kanhing Municipal Councilor sa lungsod sa Palimbang, Sultan kudarat kansa una nang gipusil sa motorcycle riding criminal sa area sa Barangay San, ning syudad.
Una nang napusilan ang ex-municipal councilor nga si Joenimi Kapina, 44 anyos, lumulupyo sa nasangpit nga Barangay. Samtang samdan sab ang 11 anyos nga batang lalaki kansa naigo sa bala sa pusil sa mga suspek.
Nasayran nga igo ra untang mupalit ug meryenda sa usa ka tindahan ang biktima bitbit ang iyang 10 ka bulan nga bata dihang kini gipusil sa wala mailhing suspek.
Paspas usab nga misibat ang mga mamumuno human sa pagpamusil, samtang ang duha ka mga biktima gidala gilayon sa ospital.
Usa sa mga gitan-aw karon nga motibo sa pagpamusil ang kalabutan sa personal grudge.
