General Santos City–Tumbok na sa Maasim Municipal Police Station ang suspek nga mipusil ngadto sa sikad driver nga si Jok Omar Veloso, 49 anyos nga taga Purok Pag-asa, Barangay Dalyao, Maasim, Sarangani Province niadtong nakalabayng gabie gawas lang sa ilang pinuy-anan.
Sumala ni Police Sr. Inspector Wesley Matillano, Deputy Station Commander sa Maasim Municipal Police Station nga mismong ang asawa sa biktima maoy niila sa suspek nga mipusil sa iyang bana.
Usa ka Alias Tata Senina nga miyembro matud pa sa New Peopleās Army kon NPA maoy responsabli sa krimen.
Dugang pagbutyag ni PSI Matillano nga migula sa ilang imbistigasyon nga gidudahan sa grupong NPA ang biktima nga si Veloso nga gahatag ug impormasyon ngadto sa tropa sa militar ug sa kapulisan bahin sa kalihukan sa NPA.
