HIMAMAYLAN CITY, NEGROS OCCIDENTAL – Ginsilutan pinaagi sa execution sang mga katapo sang New People’s Army, NPA ang isa ka ginatudlo anay miembro sang rebelding hubon kahapon sang aga sa Purok 3, Brgy. San Antonio, Himamaylan City.
Nakilala ang biktima nga si Raymart Dagohoy, 22 anyos, residente sang Sitio Abud sang amo nga barangay kag ginatudlo anay katapo sang NPA.
Suno sa amay sang biktma nga si Renato Dagohoy, manugpamahaw na sila kuntani sang iya anak upod ang iban pa nga mga trabahante sa kampo sang may nakita sila nga armado nga mga lalaki kag babayi.
Nakibot sila sang hinali na lamang nga gintiro sang suspek si Raymart kag una nga naigo sa iya tiyan.
Pahayag sang amay nga malagyo pa kuntani ang iya basta apang liwat ini nga gintiro, ginpalapitan sang isa ka lalaki kag gin-finishing pa sa ulo gamit ang M16 armalite rifle.
Dugang pa sang amay nga sang natapos ang pagpangtiro, naglakat ang mga suspek kag nagsinggitan nga “mabuhay ang NPA!”/File photo
